19:00

Eskualdeko euskararen berba biltzen dituen soinu-artxibo digitala aurkeztuko dute maiatzaren 16an

Iñaki Gilisasti idazlearen Urduliz aldeko Berba Lapikokoa liburua digitalizatu dute soinu-artxiboakaz lagunduta. Hala, Non.eus webgunean liburuko eduki guztiak eskuragarri daude eskualdeko berbakera kontsultatu eta ezagutu gura duen ororentzako. Web atari horren aurkezpena egingo dute maiatzaren 16an, arrastiko 19:00etan, Urdulizko kultur etxean.

19:00

Saharako emakumeen bizitzaren istoriari buruzko dokumentala proiektatuko dute datorren barikuan, Muxikebarrin

Getxoko Udalak eta ATFAL Sahararen aldeko Getxoko elkarteak antolatuta, Insumisas dokumentala proiektatuko dute datorren barikuan, hilaren 17an, Muxikebarrin. Mendebaldeko Saharako lurralde okupatuetan jarduten duten ekintzaileak eta 1975ean Marokoren inbasioaz geroztik emakume sahararren aurka egindako giza eskubideen urraketei buruzko datu estatistikoak erakusten ditu lanak. 

21:00

Kontzertua: Txekoslobako

Txekoslobako Gorka Rodríguez Gomila algortarraren reggaetoi musika proiektua da. 2Zio rap taldekide ohiak jai-girora abiatu da oraingoan, erritmo bizi eta dantzagarriak uztartzen dituen urban estiloaren eskutik. Kontzertu berezi honetan lagunez inguratuta egongo da eszenatoki gainean, eta getxoztarrak dantzan jarriko ditu etengabeko gerri mugimenduekin. Inor aspertuko ez duen ikuskizuna dugu, doinu latinak gustuko dituzten gazte zein helduentzako.

14:30

Udaberriko bertso-bazkaria

Maiatzaren 18an egingo dute Euskal Herriko mutur biak mahai inguruan lotuko dituen bertso-bazkari klasikoa. Udaberriko hitzordu honetara joan gura dutenek izena eman beharko dute 605 704 385 telefonora deituz edo albegetxo@gmail.com helbidera idatziz maiatzaren 13a baino lehen.

09:00

III. Etorki Mendi Traila

Informazio guztia, hemen.

21:00

Kontzertua: Akelaia

Euskal musikaren eszenak oso une aberatsa eta interesgarria bizi du. Oihana Rodriguez teklistaren proiektua da Akaleia. Talde ezberdinetan aritu ondoren, 2023ko amaieran kaleratu zuen bere lehen diskoa: ‘Ondoloin’. Konposizioek popa, rocka, metala eta dantzatzeko musika uztartzen dituzte. Olaia Inziarte, Izaro edo Liher bezalako artistekin bat eginez, euskal musikaren eszenako proposamen freskoenetarikoa dugu hau.

20:00

Dantza ikuskizuna: "Maitasunak"

Adriana Bilbao flamenko koreografo eta dantzariak pieza berri bat estreinatuko du Muxikebarrik koproduzituta. Artista bilbotarraren talentuak bat egingo du Beñat Achiary musikari esperimentala eta Raul Corredor gitarra-jolearekin. ‘Maitasunak’ Joxean Artze, Itxaro Borda, García Lorca, San Juan de la Cruz, Teresa de Ávila edo Bernard Manciet poeta handien lanetan eta kultur tradizioan oinarritzen da. Maitasunaz eta eszenografia goxoz baliatuta dantzatutako testuak eta abestiak. Maitasun inozenteenetik pasionalenetara, obsesiboenetara eta espiritualenetara doan ibilbidea.

21:00

18:30

Getxo Eszena Kalean aire zabaleko programazioari hasiera emango diote zapatuan, Areetan

Udaberri bete-betean gaudela, eguraldi ona aprobetxatuta, aire zabaleko arte eszenikoen programazioari hasiera emango diote zapatuan, hilaren 4an, Getxon. Hala, aste honetatik aurrera, eta urriaren amaiera bitartean, adin guztiei zuzendutako antzerki, dantza, zirku eta askotariko generoez gozatzeko aukera egongo da Areetako Xake plazako anfiteatro berrian. Zapatu honetan Cía Maite Guevararen Susto zirku-clown saioa egongo da gozagai, 21:00etatik aurrera.

17:30

18:30

Getxoko Andra Mariko jaiak 2024

Maiatzak 9, eguena 17:30 Umeentzako diskofesta, aparkalekuan. 19:00 October 7, Palestinari buruzko dokumentala eta Viktor Pozas EHUko ikerlariaren solasaldia, Bentan.  20:00 Txupinaren jaurtiketa, aparkalekuan; ondoren, kontzertuak: Moskova Muxarrak eta Lenago Il. Maiatzak 10, barikua  17:00 Txupinaren jaurtiketa eta pregoia, Malakaten, Geroako ikasleen eskutik. 17:00 Eskupilota erakustaldia, kiroldegian. 17:30 Parkean Olgetan ume eta helduentzako jolasak, Malakaten. 17:30  Grafitiak eta DJ saioa, Maidagan kaleko horman. 18:00 Mus txapelketa, Bentan. 19:00 Txokolate-edana, Malakaten. 19:30 Buruhandiak, Malakaten. 20:00 Kalejira eta poteoa, Bentatik hasita. 21:30 Suzko behia, Bentatik kiroldegira. 21:30 Kontzertuak, aparkalekuan: Ugerda, Txapelpunk eta Sonic Trash. Maiatzak 11, zapatua 10:30 Arto-landaketa eta jolasak, Ibarbengoan. 11:30 Umeentzako puzgarriak eta ludoteka, Malakaten. 11:30 Umeentzako tailerrak, Malakaten. 12:30 Fanfarria, Malakatetik aparkalekura. 15:00 Palestinaren aldeko herri-bazkaria, aparkalekuan; tiketak salgai, auzoko tabernetan. 18:00 Skate tailerra, Ortzadar plazan. 18:30 Karropoteo musikatua, aparkalekutik Malakatera. 18:30 Zumba Rosigaz, Malakaten. 19:00 Umeentzako zinema, Bentan. 20:00 Urtez Urte dantzaldiaren kalejira, Malakatetik frontoira. Ondoren, 21:00etan, dantzaldia, Itxas Argia dantza-taldearen 60. urteurrenean. 21:00 Aurah Sin: Drag Party, Malakaten. 21:30 Suzko behia, Bentatik. 23:00 Kontzertuak, aparkalekuan: Bidean erromeria. Maiatzak 12, domeka 10:00 Herri azoka, kiroldegiko aparkalekuan. 10:30 Jostailu-liburu truke azoka, kiroldegian.  11:00 Orientazio proba, Aixerrotan. 12:30 Herri-kirolak, kiroldegian. 12:30 Bertso-saioa, aparkalekuan. Jone Uria-Naroa Torralba, Peru Irastorza-Joanes Igeregi. Gai-jartzailea: Oihan Diaz. 14:00 Folk kontzertua, aparkalekuan. 17:00 Triki-kalejira, Malakatetik kiroldegira. 17:30 Patinaje festibala, kiroldegian. 18:00 Xaboi ponpa erraldoien tailerra, aparkalekuan. Maiatzak 15, eguaztena 17:00 Umeentzako magia ikuskizuna, Malakaten. 18:30 Jaien amaierako txupina, Malakaten.

19:00

19:00

Palestinaren aldeko jardunaldiak

Maiatzak 9 19:00 October 7, Al Jazeera investigations dokumentala eta solasaldia, Getxoko Bentan. Maiatzak 10 19:00 Hitzaldia: Palestina, la herida abierta, Romo Kultur Etxean. Maiatzak 16 19:00 Hitzaldia: Israeli boikota, herriaren tresnarik onena, Algortako Azebarrin. Maiatzak 23 19:00 Hitzaldia: El doble rasero de occidente en las guerras del terror, en Ucrania y en el genocidio en Gaza y sus consecuencias, Larrabasterrako Auzoetxean.

18:30

18:30

Getxoko toponimia ezagutzeko ibilbideak abiatuko dituzte martitzenean

Tokiko toponimia ezagutzeko ibilbideak abiatuko dituzte bihar, martitzenean, Getxon. Urtero bezala, udalerriko auzoak eta txokoak, eta euren izenak hobe ezagutzeko egitasmoa Bizarra Lepoan elkarteagaz elkarlanean antolatu ditu Udalak. Horietan, parte hartzaileek udalerriko toponimia eta historia, ondare kulturala, paisaia, geologia, fauna eta abar ezagutuko dituzte. Azalpenak euskaraz izango dira, eta norbaitek ulertzeko arazorik izango balu, bere mailara egokituko lirateke azalpenak.

11:00

18:00

UK Foto elkarteak 4. Argazki Jardunaldiak egingo ditu maiatzean

Laugarren urtez, UK Foto elkarteak argazkigintza jardunaldiak egingo ditu hitzaldi eta erakusketa ezberdinakaz. Aurten, maiatzaren 17, 18 eta 19 egunetan egingo dute Sopelako Kurtzio kultur etxean, dohainik. Hizlarien artean, Egoitz Icaza, Marina Cano eta Xabi Buenetxea argazkilariak egongo dira, euren bizipenak eta jakintzak publiko osoagaz partekatzeko prest. Hala, fauna izango da aurtengo gaia. Sarrerak lortzeko 10 egun lehenago egin daiteke Sopelako Udalaren webgunean bidez.