19:00

Eskualdeko euskararen berba biltzen dituen soinu-artxibo digitala aurkeztuko dute maiatzaren 16an

Iñaki Gilisasti idazlearen Urduliz aldeko Berba Lapikokoa liburua digitalizatu dute soinu-artxiboakaz lagunduta. Hala, Non.eus webgunean liburuko eduki guztiak eskuragarri daude eskualdeko berbakera kontsultatu eta ezagutu gura duen ororentzako. Web atari horren aurkezpena egingo dute maiatzaren 16an, arrastiko 19:00etan, Urdulizko kultur etxean.

19:00

Bizkarsoro filma ikusgai egongo da Armintzako kultur etxean, maiatzaren 17an

Josu Martinez euskal zuzendariaren Bizkarsoro filma proiektatuko dute Armintzako kultur etxean. Maiatzaren 17an, barikuan, izango da, 19:00etatik aurrera, doako sarreragaz. Filma euskaraz eskainiko da, gaztelaniazko azpitituluakaz.

12:29

12:29

Bi autodefentsa feminista tailer egingo dituzte Lemoizen

Zapatu honetan eta hurrengoan, maiatzak 11 eta 18, emakumeei zuzendutako autodefentsa feministako tailerrak egingo dituzte Armintzako kultur etxean. Saioek 3 orduko iraupena izango dute, 11:00etatik 14:00etara, eta parte-hartzea doakoa izango da. Bertaratzeko, emakume izatea eta 14 urte baino gehiago izatea baino ez da beharko. Ez da izena eman behar.

17:00

17:00

Gutxi falta da Lemoizko Andraka auzoko jaiak hasteko!

Jai giroa nabari dezakete daborduko Andraka auzoko bizilagunek: zehazki, maiatzaren 18an, 24an eta 26an hainbat ekintza izango dituzte Trinidade jai tradizionalak direla eta. Adi egun berezi horietako programaziora!