18:30

'Hamaika kolore' ipuin kontaketa egingo dute LGTBIQ+ fobiaren aurkako egunean

Sorgina Pirulina ipuin kontalariaren eskutik, Hamaika kolore ikuskizuna egingo dute maiatzaren 17an, LGTBIQ+ fobiaren aurkako nazioarteko egunean. 4-10 urteko haurrentzat aproposa den emanaldia da, eta Urdulizko kultur etxean egingo dute, arrastiko 18:30ean.

18:00

'Sakontasunera bidai bat' filma ikusgai egongo da Urdulizko kultur etxean

Maiatzaren 18an, arrastiko 18:00etan, proiektatuko dute publiko guztiarentzako egokia den Deep sea, Sakontasunera bidai bat filma, Urdulizko kultur etxean. Sarreraren prezioa 3,60 eurokoa izango da eta hemen ikus daiteke traile​rra​. Sarrera erosteko, txartelaz egin daiteke totemean astelehenetik barikura, 09:30etik 13:30era eta 16:00etatik 20:00etara. Zapatuetan, 09:30etik 14:00etara eta 17:00etatik aurrera. Edo webgunearen bidez, hemen. Era berean, eguneko filma hasi baino ordu erdi lehenago, hilabete osoko filmetarako sarrerak esku-dirutan erosi daitezke.

12:00

Bosgarren Plentziako Badia zeharkaldia ospatuko du Mungia Igeriketa Taldeak ekainaren 22an

Azken lau urteetan legez, Mungia Igeriketa Taldeak Plentziako Badia zeharkaldia antolatuko du Plentziako Kai Eder Klubagaz eta beste hainbat erakunderen lankidetzagaz batera, maiatzaren 22an. Horien artean Aspanovas dago, eta zeharkaldiko parte-hartzaile bakoitzeko euro bat emango zaio elkarte horri, probak izan ditzakeen irabazi guztiez gain. Izena emateko epea ekainaren 14ra arte zabalik dago, hemen.

10:00

Hogeita lau pilotarik jokatuko dute Urdulizen ekainaren 1ean hasiko den XI. Bizkaia Torneoan

XI. Bizkaia Torneoa ekainaren 1ean hasiko da Urdulizen, eta berezitasun bat du: taldeka jokatzen den bakarra da. Taldeek Bizkaiko mendien izenak hartzen dituzte lehiatzeko: Oiz, Anboto, Kolitza, Ganekogorta, Sollube eta Gorbeia. Gainera hiru espezialitatetan jokatzen den lehiaketa bakarra ere da: banakakoa, binakakoa eta lau t 'erdikoa. Lehiaketaren fase desberdinetarako sarrerak webgune honetan erosi ahal izango dira eta kasuan kasuko frontoietako leihatiletan jarriko dira salgai ere. 

10:00

20:00

Aerografia erakusketa egingo dute Urdulizko kultur etxean

Aerografia margotzeko teknika bat da: pintura airetik difuminatuz edota aspertsio bidez aplikatzen da gainazal edo objektu baten gainean. Hala, grafitiak egiteko erabiltzen den sprayaren antzekoa da, baina kasu honetan aerografo izeneko tresna erabiltzen da margotzeko. Idoia Urrutxurtu Anguianoren aerografia bidezko erakusketa dago ikusgai maiatzaren 25era arte, Urdulizko kultur etxean.