Bestelakoak

12:29

12:29

Bi autodefentsa feminista tailer egingo dituzte Lemoizen

Zapatu honetan eta hurrengoan, maiatzak 11 eta 18, emakumeei zuzendutako autodefentsa feministako tailerrak egingo dituzte Armintzako kultur etxean. Saioek 3 orduko iraupena izango dute, 11:00etatik 14:00etara, eta parte-hartzea doakoa izango da. Bertaratzeko, emakume izatea eta 14 urte baino gehiago izatea baino ez da beharko. Ez da izena eman behar.

18:00

13:30

Umore Azoka Leioaren programazioa

Leioa kale-artisten elkargune handia izango da maiatzaren 16, 17, 18 eta 19an. Antzerkia, dantza, magia, zirkua... hainbat motatako proposamenak ekarriko dituzten 41 konpainia batuko dira aurtengo 24. edizioan. Hemen duzue egun horietarako programazio osoa.

11:00

12:00

"Open House" Plentzia

Aste-akabu honetan, Plentziako Udalak hainbat eraikinetako ateak doan irekiko ditu, herritarrek hiribilduko ondare arkitektonikoa ezagutzeko aukera izan dezaten. Bisitak gidatuak izango dira, baina plazak mugatuta egongo dira, beraz, parte hartzeko izena eman beharko da turismo bulegoagaz harremanetan jarriz.

17:30

"Open Hosue ihes gela"

Aste-akabu honetan, Open House bisita gidatuak egingo dituzte Plentzian, herritarrei ondarea ezagutzera emateko, eta, horregaz batera, 12 eta 17 urte arteko gazteentzat scape room bat egingo dute zapatuan, maiatzaren 18an. 

09:00

Daborduko izena eman daiteke 13. Berbodromoan

Berbodromoaren 13. edizioa datorren maiatzaren 23an, eguenean, ospatuko da: goizez, Itzubaltzeta/Romon; eta arratsaldez, Algortan. Ohi bezala, Getxoko Udalaren laguntzagaz, Egizu eta Bizarra Lepoan elkarteek eta udalerriko euskaltegiek antolatutako ekimenaren helburuak dira euskara giro lasaian kalera ateratzea, euskararen erabilera indartzea eta indar-erakustaldia egitea, besteak beste.

10:30

Jai inklusiboa: "Aurrera begira"

"Aurrera begira" lelopean, martxa ireki inklusiboa, elkarteen azoka, erakustaldiak eta herri-bazkaria antolatuko dituzte desgaitasuna duten pertsonak ahalduntzeko helburua izango duen jaialdian. Hainbat elkartek parte hartuko dute Erandioko Udalaren laguntzagaz antolatzen ari diren jardunaldian.