GATXen helburua da 10-12 urteko gazteei lagun taldean abentura eta esperientzi paregabeak bizitzeko aukera eskaintzea, beti ere, elkartasuna, errespetua, bizipoza, laguntasuna eta ingurunearekiko zainketa balioan jarrita. Horretaz gain, txapelketa honetan euskararen erabilera bultzatu eta baloratu gura dute. "Lagunakaz euskaraz bizitzeko ekimen erakargarria proiektatu gura izan dugu", azaldu dute antolatzaileek.
Hainbat esperientzia daude abentura honen barnean, besteak beste, piragua, big sup, orientazio ibilbideak, eskalada, ginkana, herri-kirolak, Ipad galdetegiak, bodyboard, surf, ilunpeko ibilaldiak, proga artistiko-kulturalak, etab.
Azken egun handian, sari banaketa egingo dute gainditutako erronkak baloratuz. Gainera, kontzertu bat ere egingo dute parte-hartzaile guztiak musikagaz bat dantzan jartzeko eta abentura honi merezi duen agurra emateko.
