Doinua: Mutil koxkor bat
Ongi etorri bisitaria
Bizkaiko kostaldetik,
Galean sartu egingo gara
badago zer aipatzerik.
Paseoan gozatzeko leku
zoragarria batetik,
iraganak utzitako aztarnak
ta etorkizuna bestetik;
belar ta sasi guztien gainetik
kainoi ta harrien artetik.
Behin Galea genuen etxea
non bizitza ez zen erreza;
elikatu babestu ta bizi
lekuko itsaso turkesa,
Erdi Aroko guda aferak ta
erasotzaile ingelesa.
Kainoi ta harresi artean zeuden
soldadu herritar printzesa;
mikromundu bat berezko argiaz
gotorlekua ta babesa.
Gaur egun utzita ta ahaztuta
behin izan zena oholtza,
zertan bilakatuko den bihar
egin dezagun otoitza.
Museo eta irakas leku
ez bete betikoen poltsa,
artea historia eta kultura
interesa hirukoitza.
Klasista eskuindar gorbatena
ez dadila izan egoitza.