Euskal Herriko Pentsiodunen Mugimenduaren seigarren urteurrena ospatzeko asmoz, eskualdeko manifestazioa egin zuen Uribe Kostako Pentsiodunen Plataformak, apirilaren 7an, Berangon. Deitzaileek deitoratu dutenez, hitzordua ez zen aurreikusitakoa izan, ez baitzuten lortu esperotako erantzuna, ez tokiko Udalaren partetik, ez bertako talde batzuen artean. Hala ere, guztira, 80 pertsona batu zitzaien mobilizaziora, tartean, Berango Kantarikoak.
Manifestazioaz gainera, hildako pentsionistak gogoan izan zituzten, eta datozen egunetarako aurreikusitako hitzorduen berri eman zuten, besteak beste.