Aipatutako lokaletan bakarlarien edo musika-taldeen kontzertuak egiteko zuzenduta dago deialdia, DJen emanaldi koralak edo zuzeneko musikarik ez duten ikuskizunak izan ezik. Kontzertu bakoitzeko 275 euroko diru-laguntza emango da, eta, gehienez, lokal berean bost kontzertu egin ahal izango dira. Halaber, zenbateko hori handitu ahal izango da, baldin eta emanaldiek hizkuntza, musika-genero eta -estilori lotutako baldintza jakin batzuk betetzen badituzte, besteak beste, "edota taldeetan emakumezko kideak badaude", iturriek zehaztu dutenez.
Deialdiari buruzko informazio osoa udal-webgunean kontsulta daiteke eta, ohi bezala, eskabideak bide telematikoz aurkeztu beharko dira Getxoko Administrazio Elektronikoko Bulegoaren bidez. Apirilaren 30era arte aurkeztutako eskabideak maiatzaren 29a baino lehen ebatziko dira, eta ekainaren 30era arte bidalitakoak, aldiz, uztailaren 31 aurretik. Azkenik, uztailaren 1etik deialdiaren epea amaitu arte aurkeztutakoak abenduaren 10a baino lehen ebatziko dira.